22nd Sunday in Ordinary Time
ONONAN BABASAEN Deut. 4:1-2, 6-8
Babasaen ya inaon ed libro na Deuteronomio
Inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo. Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.
“Pampelengan yo ran onuren, ta sikatoy pakabirbiran na saray totood saray arum a bansa a makabat kayo. No narengelan da ra yan amin a ganggan ikuanda, ‘Agaylay kakabatan tan pakatalus na saray totood sayan makapanyarin bansa!’
“Anggapoy arum a bansa, anggan anto lay pakapanyari to, ya asingsingger ed sikato so dios to no nakaukolan to, a singa kinaasingger ed sikato na Katawan a Dios tayo. Eebatan to itayo kapag onkerew tayoy tulong to.”
Salita na Katawan.
EBAT A SALMO
E. Mambilay ed arap na Katawan so toon kamaungan so gagawaen to.
1. Say toon oonuren toy Dios, tan kamaungan lawas so gagawaen to, tua tan napanmatalkan iray salita to, tan ag to papaogesey kapara ton too. E.
2. Ag manggagaway maoges ed saray kakaaro to, tan ag mangikakayat na tila nipaakar ed kapara ton too. Babalawen to ray totoon ipopolisay na Dios, balet gagalangen to ray mangoonur ed Katawan. E.
3. Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to. E.
KUMADWAN BABASAEN San. 1:17-18,
21-22, 27
Babasaen ya inaon ed sulat nen Santiago
Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to. Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.
Suko kayod Dios tan awat yoy salitan intanem tod puso yo, ta sayan salita so makapangilaban ed sikayo.
Toluk kayod salitay Dios. No dengelen yo labat ya ag yo onuren, titilaan yoy sikayon dili.
Say relihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.
Salita na Katawan.
Alleluia
E. Alleluia. Siak so silew na sankamudoan, kuay Katawan; say ontombuk ed siak niwalad sikatoy silew a mangiiter na bilay ya andi-angaan. E. Alleluia.
IBANGHILYO Mar. 7:1-8, 14-15, 21-23
Babasaen ya inaon ed masanton ibanghilyo onung ed kinen Marcos
Nantitipon ed kawalaan nen Jesus iray Pariseo tan pigaran iskriba a nanlapud Jerusalem. Naimano ra a pigarad saray disipulo to so mangakan a marotak so lima ra, lapud ag ira nanoras onung ed kaogaliyan na saray Judio.
Ta amin da ray Judio, lautlad saray Pariseo, et ag ira mangan no ag ni ra nanoras na lima ra, onung ed kaogaliyan ya impabangon na saray lalaki ra. No manlapu rad tindaan, ag ira mangan na antokaman no ag da ni naorasan. Dakdakel ni so abangonan dan bangat na lalaki ra, a singa say panagoras na saray losur, boyug, gansan yaung, tan dokulan.
Kanyan tinepet na saray Pariseo tan saray iskriba ed kinen Jesus, “Akin et ag oonuren na saray disipulom so bangat ya impabangon da ray lalaki tayo, ta mangakan iran ag ni nanoras na lima ra?”
Inmebat si Jesus ed sikara, “Duga so imbaga nen Isaias nipaakar ed sikayo. Mansimpisimpitan kayo, onung na insulat to: ‘Inkuay Dios – Gagalangen ak na sarayan totoo diad panamegley na bibil da; balet diad tuay tua, arawrawid siak so puso ra. Kanyan say pangidadayew dad siak anggapoy kana, ta anggan saray ganggay too gagawaen dan ganggay Dios ira!’”
Insan kuanen Jesus, “Palpaolyan yoy ganggan na Dios, oonuren yo balet so tinawir yo ran bangat na too.”
Pinaasingger lamet nen Jesus iray totoo tan inkuantod sikara, “Dengel kayon amin tan talusan yoy ibagak. Aliwan say onloob no ag ingen say ompaway ed too so mandotak ed sikato.
“Ta manlapud otel na pusoy too iray maoges a kanunotan, pilalawanan, panagtakew, panagpatey, pikakaloguran, panagagom, tan amin iray kaogsan a singa panagsaol, panaggaway karumsisan, panagimon, panagpaoges ed kaparan too, panagpaatagey na linawa, kaambagelan. Diad pusoy too so panlalapwan da ra yan amin, tan sikaray mandotak ed sikato.”
Ibanghilyo na Katawan.
14 comments:
Say unaan ya linmad utek ko: saramay nanduroman gagawaen ya tatawagen ya "superstitious beliefs". ta lapud singa ra met "bangat ya impabangon da ray lalaki tayo" odino saray babai tayo!
barats
Anton talaga'y marutak o masanto? Siopa'y tuan marutak o masanto? Aray apostoles ya ag nanuras na lima antes ya mangan bangbalet lawas ontutumbok tan manisiad Jesus? odino saray Pariseo ya no panoy kabetbet dan panuras ontan met so kabetbet gan questiona'y Jesus tan diad samput ginetma da nin deralen tan papatey?
frmaning
Say salitan hypocrite ed inaanon ed salitan Griego, hypokrites, ya say kabaliksan to: "actors" odino "artista". Kanian, sarag ya onya so inbaga nen Jesus ed saray Pariseo: "Singa kayo artista! Say Scriptura so linya ya mabetbet yon imemorize, balet duman salita so ibibilay yo!"
abasak ya ed sakey ya commentary.
frbarats
agay lay pasnuk nen Hesus ed saray Pariseo lapud say puso ra et arawi'd say bangat na Dios. saya so pakabalawan tayo ran cristianos ta uusaren tayo labat so ngaran nen Cristo bangbalet arawi so pansumpal tayo na linawa to. naiter/nausar tayo ray nanduruman parte na laman tayo (utek, sangi, sali, etc.) parad say pangiwaragawag ed ebangheliyo bangbalet ag tayo naisaklang so PUSO tayo ed Dios!
binong
amen fr. binong singa ra kulanatnit
manayam ed simbaaan pero ni agda lagi kabat so dios... close to the church far away from God kuanda.
fr.maning
saray uso natan ipapanengneng da ya mas naiitday importansya so walad paway "external' nen say walad loob "internal" e.g. anto ray uso, nanduruman unit ya cellphones, laptop, luganan, kawes, sapatos etc. agaylay rakep no say paway tan loob, say laman tan kamarerwa, s0 naitday importansya. no ontan lay pangiiter tayoy importansya ed paway, ontan met komon ed loob. dudz
Nya katkabasak: it is not enough that we have clean hands, what God wants are clean hearts.
joke sirin: wala ra manayay totoo ya say amta da no isawsaw day lima dad holy water antes ya onloob nabendisionan ira tan nalinisan irad kasalanan da. katon antes iran onloob isawsaw day lima da tan mangoros ira a say kuanda Katawan itilak ko la ray kasalanan kod dia jad ngaray ama tan anak tan espiritu santo. insan ira onloob ya ontalimokor tan mandasal. Say problema no ompaway la ra isawsaw da lamet so lima da insan ira mangoros a kuanda Katawan babawien ko la ra jad ngaray ama tan anak... hehe.
pero aman manayay praktis ya mangoros na holy water et ipanunot to komun ya arapen so Dios ya malinis so puso. a singa samay pari ya manoras a kuanto wash away my iniquities and cleanse me from my sins.
frmaning
nia ra so bangat ya impabangon da ray lalaki tayo ya iitdan tayo na importansia nen saray salita na Dios:Nen saman, basta walay napelag ya tinidor no mamangakan kami, say tampol ya ibaga:"Ay, walay bisita ya onsabi. Laki." Tan no kutsara so naplag, bii kuno so onsabin bisita. Kinarot ya aminsan imay kagalaw kon ogaw ta inlukas toy payong tod dalem na abong. Napelag kuno so gamayan. Tinami da met nen sikato so nanpanis na labi. Nabalang kuno so swerte ed saman ya ginawa to. Agmet kuno sarag so manbayar na utang na labi no andi magmaliw ya mairap so bilay na samay manbabayar.
Agnayarin naogip ya ambasa so buek, ampan nabulag odino naatiris. Dakerakel so probleman panag-ala na certificate na binyag lapud duma so ngaran ya uusaren to tan say ngaran ya walad binyag. Ta lapud nen nansakit, sinalatan da so ngaran to. Gongona. Natan ansakit so ulo to. Say andeket ya kumpapew et tanda ya walay ompatey. No amputi, swrerte. Karuten so sakey ya na-hatsing ed lamay. Pian agto mibansag ed samay inatey. Tan, agto sarag so manpanis na abong ya anggad naiponpon la so inatey.
balet: iner so panmamatalkan tayo: diad Dios a Katawan odino diad sarayan tinawir ya bangat na too?
para amin: pian la sulat na sulat na ngaran kasumpal ya man-comment, diad "choose identity", say sarag ya pilien manaya et samay "Name/URL". isulat so ngaran. optional met imay url. salamat
intention is an excellent basis for our act but the gesture has meaning only inasmuch as it expresses the purification of the heart...makabaliksan so kimey tayo nu makapangiter ya na dawey tan galang ed Dios.. no rite, regardless of how sacred, has value or efficacy if the inner disposition does not correspond to what it signifies..watchfulness over our hearts, our desires and thoughts is an obligation coz we are called to become perfect as our heavenly father is perfect.
mas panisian tayo ni ray bangat tan gangan na saray arum na totoo odino saray lalaki tan babai tayo. pero no say gangan tan bangat na katawan tayon Jesus agaylay irap tayon onoren tan tumboken. onya so ibabaga na saray mamatakken kwan tayo pero anto balet met so ibabaga na diyos parad sikatayo?
11 comments in 2 days and for the start? NOT BAD. Imbitaan ti ni ray arum balet ya mibiang ed saya ta balbaleg so nitulong tod sikatayon amin.
marakep ya manaya!!!! naruman so koleksyon mi na 300 pesos kalamor!!! hehehehe... joke labat!!! congrats fr barats!!!!
(sorry. down lamet so cbcpworld.com. dya ak st. john ni miwi-wifi.)
story: walay sanasawan mankukulkulan. grabe la so violence da. manaayewan la ra. imbaga to may sakey "b...ninam!" amay sakey "s__t ka!" (hehe). diad dukey ya pankukulkolan da naabetan iray kampanay simbaan. angelus la. katon timmunda ran nankulkolan, nankuros ira tan nandasal ya angelus. kasumpal dan nan dasal nan-greet iray gud evening ed bawat sinansakey. insan intuloy da may laban da. "F. . . you!" kuanto may sakey. "sanamabets!" kanto may sakey. "bwisit ka" kuanto lamet tan bugbugan la.
nibaga tayo ya angapuy kakanaan to may dasal da ta wala nin syansya may pasnok tan kaugsan ed puso ra. in other words, their prayer is an act of hypocrisy. (connect to gospel)
Post a Comment