ONONAN BABASAEN Isa. 50:5-9
Babasaen ya inaon ed libro na propita Isaias
Say Katawan initdan to ak na pakatalus, et ag ak linmaban ed sikato odino inarawian ko. Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak. Balet ag ak nasakitan na saray panamabaing da lapud tutulongan ak na Katawan a Dios. Pinakapal koy lupak pian nitepel ko ra. Amtak ya ag ak napelag ed kababaingan, lapud asingger so Dios, tan paneknekan ton anggapoy kasalanan ko. Wala kasiy siopaman a makatepel a mangakusa ed siak? No wala, onla kamin dua ed korti, ta iparontal toy pangaakusaan tod siak. Say dilin Katawan a Dios so mangyaagel ed siak---siopa sirin so makapaneknek a siak so nankasalanan? Naandipat ya amin iray mangaakusad siak; naandipat iran singa abel ya inoput na taboney.
Salita na Katawan.
EBAT A SALMO
E. Kaibak so Katawan ed pankurang ko, diad dalin da ray mabilay.
1.) Inarok so Katawan, ta derengelen to ak; derengelen to ray pikakasik. Kapag ontawag ak ed sikato, talinengen to ak. E.
2.) Walad kaliber-liber ko so kaatapan na patey, manasingger ed siak so patit na lobuk; napno ak na takot tan paga. Insan tinmawag ak ed Katawan, "Pikasik ed sika, Katawan, ilaban mo ak pa!". E.
3.) Mapangasi tan matonung so Katawan; maabagey so Dios tayo. Say katawan iyaagel to ray pakaskasi; nen wala ak ed kaatapan, inlaban to ak. E.
4.) Say Katawan impaliis to ak ed patey; pinatonda toy panagagos na luak, tan ag to inyabuloy a natalo ak. E.
KUMADWAN BABASAEN San. 2:14-18
Babasaen ya inaon ed sulat nen Santiago
Agagik, antoy nagunggonay toon mangibagan walay pananisia to, balet et ag papaneknekan na saray gawgawa to? Nilaban kasi na onyan pananisia? Bilbilang: wala ray agagin bibii o lalaki ya anggapoy nipales tan anggapoy nakan da.
No say sakey ed sikayo ikuantod sikara, "Bindisionan kayo komy Dios! Napetangan tan makapangan kayo komun a maung!" balet et ag to ra itday nakaukolan da, wala kasiy nagunggona rad satan? Ontan met, inatey so pananisian anggapoy katekep to ran gawa.
Balet walay mangikuan, "Walay pananisiam, balet wala ray gawak." Ebat to met balet, "Ipanengneng mod siak so pananisiam ya anggapoy katekep to ran gawa, tan ipanengneng kod sikay pananisiak diad panamegley da ray gawak."
Salita na Katawan.
Alleluia
E. Alleluia. Lokasan mo pay kapusoan mi, O Katawan, pian narengel mi ray salita na Anak mo. E. Alleluia.
IBANGHILYO Mar. 8:27-35
Babasaen ya inaon ed masanton ibanghilyo onung ed kinen Marcos
Linmay Jesus a kaolup to ray disipulo to ed saray bario na Cesarea na Filipos. Nen wala rad dalan tinepet tod sikara, "Siopa ak, onung na ibabagay totoo?"
Inmebat irad sikato, "Wala ray mangibabagan sika si Juan a Managbinyag. Ibabagay arum a sika si Elias; wala met iray mangibabagan sakey ka ed saray propita."
"Sikayo balet, antoy kuanyo? Siopa ak?" tepet tod sikara.
"Sika so Cristo," ebat nen Pedro.
Insan to ra binilin, "Ag yo ibabagad siopaman no siopa ak."
Nanlapud saman, impakabat nen Jesus ed saray disipulo to a say Anak na Too et nepeg a manirap a maung; ag awaten na saray mamatakken na baley, saray manonan papari, tan saray iskriba; papatey da ni, balet onolid bilay kasumpal na taloy agew. Malinlinew so impangibaga to ya ed sikara, kanyan si Pedro inyarawi toy daiset si Jesus tan nansalitaan to. Balet imbeneg nen Jesus tan inarap to ray disipulo, insan to nampasnukay Pedro. Inkuanto, "Arawi kad siak, Satanas! Say labay na too so nununoten mo, aliwan say labay na Dios."
Pinaasingger natan nen Jesus iray totoo tan saray disipulo to. Inkuanto, "Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak. Ta naandiay bilay so toon mangilaban na bilay to; balet nilaban so toon mangiter na bilay to makasengeg ed siak tan say Maung a Balita."
Ibanghilyo na Katawan.
9 comments:
Inkuanto, "Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.
Amin tayo walay krus tayon sasakbaten ed bilay. Sakbaten tayoy krus tayo ag tayo komon magmaliw ya krus ed kapara tayon too.
~~~~~~~~~~~~
message to ponder on: "every trial is a call to prayer; every burden is a bridge to the Lord; every difficulty is an invitation to bend our knees. Whatever is your cross, it will make you a better person."
j. tesoro
"Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak."
Say mabetbet ya dasal tayo et ekalen tan paandien na Dios iray krus tayo. Balet, diad sayan insalita na Katawan, imbes na ekalen na Katawan so krus tayo, pasasakbat to so krus TAYO ingen!
Say krus so dalan na tuan Kristiano tan disipulo nen Kristo, ta say krus so dalan nen Jesus ya inawat to.
why must we carry a cross? we must carry a cross to remind us that:
1. we are not the center of the universe
2. there are others who suffer and we must fight for justice in the lives of others.
3. we are responsible in part for the cross that Jesus carried.
~~~~~
say bilin nen Hesus ya sakbaten so krus et sakey ya makabaliksan ya gangan to ta saya so akapangiter na kilalaban tayo... whenever we carry our cross, we participate in the liberation/salvation of humanity...
"Inatey so pananisian anggapoy katekep to ran gawa." (inaon ed kumadwan babasaen)
A strong, vibrant, mature faith, the kind that fills us with true Christian joy and wisdom, can only be acquired through fidelity under fire: faith that doesn't produce works of fidelity is dead.
say bilay tayo ran Kristiyano aliwan nanengneng labat diad pimimisa tan pangaawat tayo na laman nen Kristo ed communion, aliwa labat diad mabetbet ya pandasal tayoy Santo rosario o pan-novena tayo odino say kakapal na kalyo ed mokor tayo gaway panagtalimokor tayo.
Naipanengneng tayo so inka-Kristiyano tayo met diad pansakbat tayo na nanduruman Krus tayo ed bilay.
Say pimimisa tan mabetbet ya panagdasal tayo et saraya so mangi-iter na kasil tan ilalo tayo ya sakbatan iray krus tayo ed bilay tan say tuan pakatombok tayod Katawan tayo.
in today's society the name of the game is self-interest, self determination, self-fulfillment, self-gratification, self-exaltation, self-indulgence....
This stands in sharp contrast to Jesus' preaching of SELF-DENIAL!
Nen tinepetan iray disipulo nu siopa si Hesus para sikara, si Pedro labat so aka-ebat - "Sika so Cristo!" Duga si Pedro! diad version nen Mateo (16: 13ff) indayew nen Hesus ni ya say ebat to et nanlapu mismo ed Ama to (Blessed are you Simon . . . ). Diad saman ya ebat nen Pedro, nibaga tayo ya "abasa" (discern) to so linaway Dios despite the evidences (rejection ya lideres na Israel ed c Hesus) against Hesus.
A few verses later balet, tinawag dan “Satanas” si Pedro nen imbaga to ya “Pwera antokaman!” ed samay imbaga nen Hesus ya say Cristo et man-suffer tan pateyen da. Akin da pinanpasnukan? Lapud say nununuten to et aliwan say labay na Dios.
One moment idadayew da si Pedro, the next moment panpapasnukan da. One moment nala to so linaway Dios, the next moment agto a-“gets.”
Let us focus our attention on Peter, because what happened to him can also happen to us. One moment we are obedient to God’s will, the next moment we are rejecting Him.
How do we avoid such pitfall? How do we conform our will to God’s will? The answer lies in v.34. we must deny ourselves (God is the center, not us); carry our crosses (this could also mean obedience to God’s commandments/// note: in Luke9:23 carry cross “daily” ); and follow me (faith put into action; connect to 2nd reading).
The question “who do you say that I am?” reverberates also to us. The answer is not simply academic (afterall, not everyone who says Lord! Lord! can enter the Kingdom of God) but more on the practical level of living our lives according to God’s will (By denying ourselves, carrying our crosses and following Christ). Only then can we answer truthfully his question.
Or nayari met ya ibaga tayo ya: the answer to the question should be seen in the lives we live.
"Amen" ed say reflection mo fr jim!
kumadwan babasaen:
"antoy nagunggonay toon mangibagan walay pananisia to, balet et ag papaneknekan na saray gawgawa to?"
Say tuwan sukatan ya pananisia aliwan diad loob na simbaan no ag ta ingen diad paway na simbaan.
mainomay so mimisa.
mainomay so mangipelag ya kwarta ed basket. Mairap so mangiter na kwarta ed mairap bilay tan mankakaokulan.
mainomay so mangi-offer na ponti, ubas, alak, prutas, etc. Mairap so mangiter na antokaman ya naakan ed saray nanaerasan.
mainomay so mangiter na kareenan ed loob na simbaan. Mairap so mangiba ed kemey ya kareenan. Sikatayo ni panlapoan ya ag pantatalusan tan gulo.
mainomay so mikasakey tan miolup ed loob na simbaan. Diad paway na simbaan apili so pipiolupan tayo. saray mayaman tan walay pakayari labat iray mabetbet ya labay tayon kaulop.
Say pananisia ya mabilay labat ed loob na simbaan, aggapo sirin so kakanaan to. Inatey ya pananisia.
Post a Comment