ONONAN BABASAEN: Bar. 5:1-9
Babasaen ya inaon ed libro na propita Baruc
Jerusalem, ekal moy baliwan ya insolung mo diad paneermen tan pandadageyem mo, tan isolung moy andianggaan a karlangan na kagalangay Dios. Ikolibemben moy inkatonung na Dios. Itoon mod olom so korona na kagalangay Andi-anggaan a Dios. Ipanengneng na Dios so karlangan mo ed balang bansa diad tapew na dalin. Andi-anggaan ya ikuantod sika: "Manlalapud inkatonung mo so kaarawim ed kaatapan, tan manlalapud panangarom ed siak so karlangan mo."
"Bangon ka, Jerusalem, ta manalagey ka ed toktok na palandey; nengneng mo no iner so panitiponan na Dios, say Masanto, ed saray anak mon nanlapud bokig tan sagur. Panggagayagaan day impakanunot na Dios ed sikara. Jerusalem, saray anak mo et inyakar ed arawi na saray kalaban da; kasali-sali ran tinmaynan ed sika, balet ipapawil irad sika na Dios, a nilogan iran kataruk na karlangay ari. Ingganggan na Dios a napaabebay balang atagey a palandey tan saray andi-anggaan a kapokdulan; ingganggan ton natabunan iray patar tan napalanas so dalin, pian makasempet, diad kagalangay Dios, iray totood Israel tan anggapoy maoges a nagawad sikara. Lapud ganggan na Dios, onlesa iray katakelan na ambalingit iran kakiewan, pian walay nasiruman na saray totood Israel. Say Dios et iwanwan ton onsempet ed abung so israel. Ompawil iran walay baleg a gayaga, niwanwan ira na panangasi to tan inkatonung, to, tan napaliberan ira na liwaway mapagalang a kiwawala to.
Salita na Katawan.
Ebat a Salmo
E/. MAKAPAKELAW IRAY GINAGAWA NA KATAWAN PARA SIKAMI; NAPNO KAMI NA LIKET.
1. Nen say Katawan et impawil to kamid Jerusalem,singa labat sakey a kogip! Agaylay impaneelek-elek tan impankankanta mi lapud liket! E/.
2. Insan inkuan na saray arum a bansa, "Matalonggaring iray ginagawa na Katawan para sikara!" Peteg a makapakelaw iray ginagawa na Katawan para sikami; ontan lay liket mi! E/.
3. Katawan, paaligwas mo kami pa lamet, a singa pamaparanum na oran ed saray nakatan a kolus. Iyabuloy mo pan saray nanaakis legan dan mantatanem et manani ran malikeliket! E/.
4. Saray nanaakis legan dan iyaakar iray bini et ompawil iran maliket a mangankanta lapud liket da, a sankaawit da ray naani ra. E/.
KUMADWAN BABASAEN: Fil. 1:4-6,8-11
Babasaen ya inaon ed sulat nen Pablo ed saray taga Filipos
Kapag pikasi ta kayon amin, makaliliket ak, lapud intulong yod impanpupulong koy Maung a Balita, nanlapud samay inmonan agew ya impangawat yo ya anggad natan. Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo. Kabat na Dios a say pampilpilalek kon makapinengneng ed sikayo et manlalapud dilin panangaro nen Cristo Jesus.
Pikakasik ya ombaleg lan ombaleg komuy panangaro yon tinekepay kakabatan tan nagnap a pakatalus, pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo. Napano kid satan na matonung iran kagagawa a si Jesu-Cristo labat so makapangiter, a pakagalangan tan pakadayewan na Dios.
Salita na Katawan.
Alleluia
E/. Alleluia. Iparaan yoy dalan na Katawan, petek yoy panakaran to! Nanengneng na amin a katoowan so panangilaban na Dios!
IBANGHILYO Luc. 3:1-6
+ Babasaen ya inaon ed masanton ibanghilyo onung ed kinen Lucas
Kumalabinliman taon la na panooley nen Impirador Tiberio. Si Poncio Pilato so gobirnador na Judea, si Herodes so manoley ed Galilea, tan si agi ton Felipe so manoley ed Iturea tan Traconite. Si Lisanias so manoley ed Abilinia. Di Anas tan Caifas iray pangulon papari. Diad sayan panaon, sinmabid kalawakan so salitay Dios ed kinen Juan ya anak nen Zacarias. Niliber to sirin so intiron lugar na Jordan. Impupulong to, "Magbabawi kayod saray kasalanan yo tan mampabinyag kayo, et say Dios pirdonaen to kayo." Agawa ya onung na insulat nen propita Isaias ed libro to: "Walay mambabandod kalawakan, 'Iparaan yoy dalin na Katawan tan apiger yoy panakaran to! Nakaukolan a natabunan iray abeban pasen tan napalanas iray nipokdul tan nipalandey a pasen. Nakaukolan a napetek iray malikon daladalan, tan napatar iray matibagkul a daladalan. Tan nanengneng na amin a daladalan. Tan nanengneng na amin a katoowan so panangilaban na Dios!' "
Ibanghilyo na Katawan.
4 comments:
bando pakabat: siopa ed sikayo so akatilak na soutan to diad san fabian nen linman aki-ordination ed say diaconate nen reb. estephen espinoza nen 30 nobiembre? ala yo labat diad san fabian. salamat.
pati lost and found la a. hehe
"Iparaan yoy dalin na Katawan tan apiger yoy panakaran to!" Say puso tayo so dalan ya tumboken tan dalanan na Dios pian napasimbalo so bilay tayo. Sirin ed sayan Adbiento, tepeten tayo: anto ra kasi so nepeg ya apigeren tayo ya panakaraan na Katawan, a salanti say puso tayo? Nepeg ya nengnengen tayo so kapusoan tayo tan akaoen irayan matibagkol ya dalan: Saray bato-baton kasalanan tayo; saray nanduroman tibagkol ya kaugsan ya atakatak ed say dalan na bilay tayo. Panon ya makasabi so Katawan no say dalan ya mamaarap ed puso tayo et apanoy bato na kasalanan? Panon ya niyanak lamet si Jesus ed pamilya tayo no say dalan ya mamaarap ed say pamilya tayo et apano na saray bato-bato na kolkolan, sibletan, ag pantatalusan?
Diad sayan adbiento, dengelen tayo so ibabangat nen Juan Bautista. Nepeg tayo apigeren so dalan ya mamamarap ed puso tayo. Ta sayan dalan so laen na Katawan.
It was a practice in atiquity that towns and cities were built on hills and elevated areas so that it would be easy to defend against advancing enemies.
Logically, roads leading to the city gates were winding.. imagine yo pan derecho so kennon road... which was good for travellers and their animals bringing cargo.
But on occasions of a king's visit, out of respect and love and excitement, they wanted to expedite his coming by building a more direct route which would mean levelling mountains and filling up valleys.
And the people hearing Baruch and Isaiah talking of these myt be thinking of such old practice. John the Baptist echoing them could get the same treatment from the peopele of his time.
But for Xtians in Advent time, it means something totally different. For John refers not to roads but to hearts. John speaks not only of Christ's coming but also of our going back home to God in repentance.
Post a Comment