ONONAN BABASAEN Gen. 2:18-24
Babasaen ya inaon ed libro na Genesis
Inkuan na Katawan a Dios, “Aliwan maung a mambukbukor so too. Igawaan ko na sakey a manepeg a kaiba to tan katulongan to.” Kanyan nanmoli na dalin tan sayan minoli to ginawa ton ayayep tan manomanok. Insan to ra inyakar ed samay too, ta nengnengen to no antoy pangingaran tod sikara. No antoy impanawag tod balang sakey, sikatoy ngaran to. Samay too sirin initdan toy kangaranan iray amin a manok tan ayayep; balet anggapod saraya so manepeg a kaiba to tan katulongan to.
Insan say Katawan a Dios pinaogip toy malmalet imay too; nen naogip, angoyus na sakey ed saray taglang to may laki, insan to kinopit so laman ya angalaan to. Ginawa ton bii imay taglang, insan to inyakar ed samay laki. Inkuanto may laki, “A, salamat, sikato yan siansiay kaparak. Pokel ya inalad saray pokel ko, tan laman ya inalad laman ko. ‘Bii' so ngaran to, ta inala ed laki.’ Sikato ya sirin so makasengeg no akin et taynan na laki so ama to tan say ina to tan mikasakey ed asawa to, et magmaliw iran saksakey a laman.
Salita na Katawan.
EBAT A SALMO
E. Bindisionan itayo komun na Katawan legan tayon mambibilay.
1) Maliket ya amin iray matulok ed Katawan, saray mambibilay ya onung ed saray ganggan to. Pambilay moy bunga na nanlingetan mo; manliket tan onaligwas ka. E.
2) Diad abung mo magmaliw a singa mabungan ubas so asawam, tan magmaliw iray anak mo a singa malangwer iran kiew na oliba diad kaliber-liber na lamisaan mo. E.
3) Andi-duaruwan nabindisionan na onya so toon matulok ed Katawan. Manlapud Sion, bindisionan ka komuy Katawan! Nanengneng mo komuy iyaligwas na Jerusalem legan mon mambilay! E.
4) Andokey komuy bilay mo, pian nanengneng mo ray apom! Manari komun ed Israel so kareenan! E.
KUMADWAN BABASAEN Heb. 2:9-11
Babasaen ya inaon ed sulat ed saray Hebreo
Diad aganon panaon si Jesus apaabeba nen saray anghil, pian diad panamegley na baleg a panangaroy Dios, nepeg ya ompatey para amin a katoowan. Nanenengneng tayo ya akoronaan natan na kagalangan tan dayew lapud asagmak ton kairapan ed impatey to. Manepeg ed Dios – say amalsa tan manaasikasod amin a bengatla – a ginawa toy Jesus a nagnap diad panamegley na kairapan, pian pinabangen tod kagalangan to ray amayamay ya anak. Ta si Jesus so angipanguloy kilalaban da. Lilinisan nen Jesus iray totoo ed saray kasalanan da; sikato a manlinis tan saray nalilinisan et saksakey so Ama ra, kanyan si Jesus ag ambaing a manawag na agagi ed sikara.
Salita na Katawan.
Alleluia
E. Alleluia. Siak so dalan, say katwaan, tan say bilay, kuay Katawan; anggapoy toon makaonlad Ama no ag diad panamegley ko. E. Alleluia.
IBANGHILYO Mar. 10:2-16
Babasaen ya inaon ed masanton ibanghilyo onung ed kinen Marcos
Wala ray Pariseon sinmingger met ed kinen Jesus, ta labay da ya erelen ed salita to. “Ibagam ed sikami,” tinepet da, “iyabuloy kasi na Ganggan ya isian na sakey a laki so asawa to?” “Antoy ingganggan nen Moises ed sikayo?” tinepet nen Jesus ed sikara. Inmebat ira, “Inyabuloy nen Moises a say laki nayarian ton isian so asawa to, kasumpal ton itday kasulatan na pansiyan.” Inkuanen Jesus ed sikara, “Anawet so puso yo, kanyan ingganggan nen Moises so Ontan. Balet nanlapud impamalsay Dios ed mundo nibaga, ‘Pinalsay Dios so laki tan bii. Sikato yay makasengeg a taynan na laki so ama tan ina to tan iyamung toy asawa to, et mankasakey iran dua.’ Kanyan aliwa la ran duara, no ag ta saksakey la ran laman. Ag nepeg sirin a siyanen na too so impankasakey na Dios.”
Nen wala rad abung tinepet na saray disipulo ed kinen Jesus so nipaakar ed saya. Inkuantod sikara, “Say lakin mangisian ed asawa to tan mangasaway sananey mankasalanan ed asawa to, ta mikakaloguran. Mikalugoran met so bin mangisian na asawa to tan miasawad sananey."
Wala ray totoon angawit na ogogaw ed kinen Jesus, ta labay dan diwiten to ra yan ogogaw. Balet nampasnuk iray disipulo ed sarayan totoo. Apasnukay Jesus nen anengneng to yan ginawa da ray disipulo to tan kuantod sikara, "Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay Dios. Tandaan yo ya! Siopamay ag onabuloy a pasakop ed Panariay Dios a singa sakey ya ogaw, ag balut makaloob ed Panariay Dios." Insan to inaampupo ra may ogogaw, intatapew to ray lima tod sikara, tan binibindisionan to ra.
Ibanghilyo na Katawan.
7 comments:
akauna ak natan...hehehehe
“Say lakin mangisian ed asawa to tan mangasaway sananey mankasalanan ed asawa to, ta mikakaloguran. vMikaloguran met so biin mangisian na asawa to tan miasawad sananey."
During the time of Moses, divorce was permitted because of their hardness of heart-which is a concession to human weakness and sin. But the coming of Jesus, there is a new order of life. Sin has no power over the world. Jesus has drawn us to the ideal where it is impossible to separate “one” flesh.
b2y
Bando PAKABAT:
Aliwan yan panmytektekan -- tatawagen imano na saray parish priests tan school directors ya ready lad Mouse House" imay tarpauline para samay installation nen Msgr. Soc ya isabit et parokia/school tayo. Agsi pagawa tan agsi bayar. Say bayat depende ed kabaleg na sukat ya pagawa yo. No 1 October so pangipeket la na sayan tarpauline. Salamat.
Cultural background: Divorce
Diad kadaanan na panaoen nen Jesus, say kasal et kasal na pamilya. Say sakey ya pamilya so manpili na partner, pian saya et napankasakey to so dwaran pamilya o pigaran pamilya ingen.
No saray anak et ag da napili so ateng da, ontan met ya saray anak agda napili no siopa so asawaen da. Say Dios so manpili no siopa so ateng na anak, ontan met diad panamegley na saray ateng, say Dios met so manpili no siopa so asawaen na sakey. Kanian, natalusan tayo so imbaga nen Jesus: "Ag nepeg sirin a siyanen na too so impankasakey na Dios".
"Ag nepeg sirin a siyanen na too so impankasakey na Dios"
Sayan balikas nen Jesus et nipaakar ed say inkasagrado na kasal. Say kasal sagrado aliwan lapur ta saya et paknaan ya san-inaro, aliwan lapur labat ta sayan paknaan et ginawa ed loob na simbaan. No ingen say kasal et sagrado ta say duaran manpaknaan et linaway Dios ya mankasakey diad sayan bilay.
No motekteken tayon maong balet so sayan balikas nen Jesus, aliwa labat ya diad kasal so pankabaliksanan to, no ag ta ingen say intiron bilay tan kipapasen na too.
Dakerakel so impankasakey ya Dios diad sayan bilay ya ag nepeg ya pansiyanen. Singa alimbawa:
- say ogaw diad loob na eges ya ina (abortion)
- say mayaman tan mairap (discrimination)
- say bilay ed loob tan paway na simbaan (dichotomy of life)
- say kairapan tan inawa (say labay na too inawa labat andi lay irap kanyan anggano maoges gaween lad tan basta ag manirap)
- say liket tan ermen (say labay na too liket labat anggapoy ermen kanyan no walay problema ibalang diad panag-inom, druga etc)
- say palandey ed dalin. (tinebag tayo lan amin so palandey kanyan natan anggapo lay mansamper na dagem no bagyo.)
- say kakiewan tan tattanaman ed alog tan kapalandeyan. (mainomay lan nadelap tan nagebay palandey no mamaoran ta anggapo lay manbenben tan mansepsep ya danum)
say aral sirin ya nadokdok ed say ibanghilyo natan: asikasoen tan pabolaslasen tayo so impankasakey na Dios. Ag tayo dederalen tan pipirdien.
Diad kaonuran sikatayo lamlamang so manani na kemey tayo. Inawa kasi o irap so borboren tayo?
-jul
PINAOGIP TOY MALMALET IMAY TOO. NEN NAOGIP, ANGOYUS NA TAGLANG...
1. This proclaims the equality between man and woman.
- taglang... aliwan pokel ed ulo, sali o lima ta say bii ag nepeg ya uleyan o limaan
- side of the man - the woman is partner who walks side by side with him.
- a bone under the shoulders - to be protected
- the bone close to the heart pian aroen ton lanang.
2.Inoyus na Dios legan a naogip ya malmalet.
- Duman klasen ogip. say nabibitlan lanang amay masamit ya ogip... mansanggook ya singa dodong. Pero amay malmalet ya ogip o deep sleep si adan labat amo?
- Diad Greek kuno say translation to EKSTASIS - ecstasy?
3. kATON KABANGON TO: WOW at last the bone of my bones, the flesh of my flesh.
4. Katon nepeg labat ya taynan na laki so ateng to ta anapen to so say kapartner tod bilay ya mankumpletod sikato... Manmaliw irad satan ya saksakey...
5. Ta tua so imbagay Dios ag nepeg ya manbokbokor so laki...
Kanyan panun ti la kasi? hehe
Jesus focuses on commitment as basis of love. when the bible says God is love and that God loves us, it is clear that God's love has nothing to do with feelings. the OT is a long story about God's commitment to His chosen people inspite of their constant breaking of the covenant relationship God had initiated a long time ago. the NT continues this theme. JOHN 3:16. aya so panangaro, commitment at it its best. it goes beyond feelings. LOVE CONQUERS ALL. j. tesoro
no manpakasal so laki tan bii, saksakey pa labat so isipan da... aroen da so sakey tan sakey....aroen...aliwan sakitan, paakisen, lokoen...aya met so sipan na Dios ed sikatayo...aroen to itayo anggano anto...aya komon so naaralan tayo...amen...hik! j. tesoro
Post a Comment